Smiley face
Smiley face
Smiley face

ئۆپەراسیۆنی قڕکردنی سیاسی دژی گەلی کورد و چەپەکان بەردەوامە

2017-04-21 16:19:53



ڕۆژنیوز - ناوەندی هەواڵەکان


ئۆپەراسیۆنی ‌قڕکردنی سیاسی حکومەتی ئاکەپە دژی گەلی کورد و چەپەکان بەردەوامە و لەو چوارچێوەیەدا ئەمڕۆ دەیان کەس لە شارەکانی باکوری کوردستان دەستگیرکران.


پۆلیسی ڕژێمی تورک ئەمڕۆ هەڵیانکوتایە سەر ماڵی هاوڵاتیان لە شارەکانی دەرسیم، خارپێت و ئیزمیر و دەیان چالاکوانی کورد و چەپیان دەستگیرکردووە بۆ ئەوەی لەبەردەم چالاکییەکیانی ١ی ئایاردا ئاستەنگ دروست بکەن.


پۆلیسی تورک ئەمڕۆ هێرشیان کردە سەر ماڵی هاوڵاتیان لە گەڕەکی جومهوریەتی شاری دەرسیم و خوێندکارێکی زانکۆیان بەناوی سەڤجان تۆپان دەستگیرکرد.


لە شاری خارپەتیش هاوڵاتییەک بەناوی حەسرەت سوزگون دەستگیرکرا، سوزگون پاشان ڕەوانەی بەڕێووەبەرایەتی پۆلیسی شارەکە کرا.


هەر لە چوارچێوەی ئەو هێرشانەدا ئەمڕۆ هێزەکانی پۆلیسی تورک هەڵیانکوتایە سەر ناوەندی پارتی حزبی سۆسیالیستی بندەستان، فیدراسیۆنی کۆمەڵەی گەنجانی سۆسیالیست و پارتی یەکگرتن و ئازادی و هەروەها ماڵی چەندین خوێندکاری چەپ لەو شارە و ناوەندی گۆڤاری "قالدرچە"شیان داخست.


لە کاتی دەستگیرکردنی ئەو هاوڵاتی و چالاکوانانەدا، دروشمی "نا بۆ سەرکایەتی، دەنگمان کپ ناکرێت" لەلایەن دەستگیرکراوانەوە وترایەوە.


ک.ک
 

 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin