Smiley face
Smiley face
Smiley face

لەندەن، پەیکەرێک بۆ ئۆجالان دروست دەکرێت

2017-04-19 13:27:26



ڕۆژنیوز – ڕێزان محەمەد

 

لەلایەن پەیکەرتاشێکی گەنجەوە، لە شاری لەندەن پەیکەرێک بۆ عەبدوڵا ئۆجالان، ڕێبەری پارتی کرێکارانی کوردستان- پەکەکە، دروستدەکرێت.

 

لالە سەمەد، گەنجێکی کوردە، لە لەندەنی پایتەختی بەریتانیا پەیکەرێکی عەبدوڵا ئۆجالان درووست دەکات، ئامانجی دروستکردنی پەیکەرەکەی بۆ ڕۆژنیوز دەخاتەڕوو.

 

لالە سەمەد وتی: ئەم پەیکەرە لەسەر داوای کۆمەڵەی کوردی پارتی کرێکارانی کوردستان لە لەندەن دەستم بە دروستکردنی کرد، بە مادەی مۆم و بڕۆنز.

وتیشی: ئەم پەیکەرە ماوەی ٢٠ ڕۆژە دەستم کردووە بە دروستکردنی و لەم هەفتەیەدا تەواو دەبێت، و وابڕیارە لە ماڵی کۆمەڵەی کورد لە شاری لەندەن لە ناوچەی داڵستن دادەبنرێت.

 

لالە سەمەد لەساڵی ١٩٧٤ لە شاری سلێمانی لەدایکبووەو دەرچووی پەیمانگای ھونەرە جوانەکان بەشی پەیکەرسازییە، لە ئێستادا دانیشتووی شاری لەندەن-ە، تا ئێستا پەیکەری چەند کەسایەتیەکی ھونەری و ئەکادیمی دروستکردووە، لەوانە شاعیری مەزن شێرکۆ بێکەس، مەزھەری خالقی، ئەحمەد کایا، قالە مەڕە و عەباسی کەمەندی، لە ئێستاشدا سەرقاڵی دروستکردنی پەیکەری ئۆجالان.

 

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin