Smiley face
Smiley face
Smiley face

هەپەگە: لە چالاکییەکەی ئامەد-دا ٨٣ پۆلیس کوژراون..نوێکرایەوە

2017-04-15 11:15:31



ڕۆژنیوز - ناوەندی هەواڵەکان

 

هەپەگە، ئاشکرایکرد، کە تیمێکی گەریلا لە ڕێگای تونێلێکی ٩٠ مەترییەوە خۆیان گەیاندووەتە ژێر بارەگەی دژەتیرۆری پۆلیسی ئامەد و لە ئەنجامی تەقینەوەکەدا ٨٣ پۆلیسی تورک کوژران.

 

ئەمڕۆ، ناوەندی ڕاگەیاندنی هێزەکانی پاراستنی گەل (هەپەگە)، ئاماری برینداران و کوژراوانی پۆلیسی تورک و هەروەها زیانە مادییەکانی چالاکییەکەی ڕۆژی ١١ی نیسانی ئامەدی بڵاوکردەوە کە دژی ناوەندێکی دژەتیرۆری پۆلیسی تورک ئەنجامدرا.

 

لە ڕاگەیەندراوەکەی هەپەگەدا هاتووە:"ڕۆژی ١١ی نیسان کاتژمێر ١٠:٤٥ خولەکی بەیانی، گروپێکی گەریلاکانمان پاش هەڵکەندنی تونێلێکی ٩٠ مەتری، دوو هەزار و ٥٤٥ کیلۆیان ماددەی تەقەمەنی-یان لەژێر ناوەندی پێنج نهۆمی پۆلیسی دژەتیرۆری ئامەد-دا دانا و پاشان تەقینەوەیەکی گەورە لە ناوەندەکەدا ڕوویدا، دوژمن ڕایگەیاندووە، کە تەقینەوەکە بەهۆی چاککردنەوەی تانکێک لە ناوەنەدەکەدا ڕوویداوە، ئەمە ڕاست نییە".

 

هەپەگە لە درێژەدا ڕایگەیاندووە:"بەگوێرەی زانیارییەکانی ئێمە، لە کاتەکانی کارکردندا، ١٥٠ پۆلیس بۆ ٢٠٠ پۆلیس لەو ناوەندەدا دەمێننەوە و کاردەکەن، لە ئەنجامی ئەو تەقینەوەیەدا ٨٣ پۆلیس کوژراون و ١١٠ پۆلیسی دیکەش برینداربوو، ٢٦ ئۆتۆمبێلی زرێپۆشی سوپای تورک بەتەواوی تێکشکێندراون و ١٢ پاسی سوپاش لەناوچوون، هەروەها چوار ئۆتۆمبێلی سوپای تورک و شەش ئۆتۆمبێلی دژەتیرۆر کە تایبەت بوون بە پڕژاندنی ئاو بەسەر خۆپیشاندەراندا لەناوچوون".

 

هەپەگە، هەروەها ڕایگەیاندووە:"چالاکییەکە بە هەستیارییەکی زۆرەوە ئەنجامدراوە، بەپێی پێویستی تەقاندنەوەی بینای ناوەندەکە ماددەی تەقەمەنی نێردراوەتە ژێر ئەو ناوەندەوە و هەروەها بیر لەوەش کراوەتەوە کە ئەنجامی تەقینەوەکە زیان بە هاوڵاتیانی دەرەوەی ناوەندەکە نەگەیەنێت".

 

لەکۆتایی ڕاگەیەندراوەکەی هەپەگەدا هاتووە:"ئەو چالاکییە لەلایەن (گروپی تۆڵەکردنەوەی شەهید باگەر و شەهید درێژ) بەیادی شەهیدانی ئامەد و هەروەها دژی سیاسەتە زۆردارییەکانی دوژمن ئەنجامدراوە، ئەو گروپەی چالاکییەکەی ئەنجامداوە، پاش چالاکییەکە بە تەندروستی تەواوەوە خۆیان گەیاندووەتە شوێنی خۆیان".

 

وێنەی ئامادەکارییەکان بۆ ئەمنجامدانی چالاکییەکە کە لەلایەن "گروپی تۆڵەکردنەوەی شەهید باگەڕ و شەهید درێژ" ئەنجامدراوە.

 

ئەو گەریلایەی چالاکییەکەی ئەنجامداوە

 

 

 

 

 

 

 

ش.ف

 

 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin