Smiley face
Smiley face
Smiley face

ئەندامێکی هەدەپە: تورکیا بەدەستی پارتی ویستەکانی لە باشور پێکدێنێت

2017-03-20 14:25:48



ڕۆژنیوز – سلێمانی

 

خەباتکارێکی هەدەپە، ڕایدەگەیەنێت، کە دەوڵەتی تورک لە باکور خەڵک دەستگیردەکات و کۆمەڵکوژیان دەکات، لە باشوری کوردستانیش بە دەستی پارتی ویستەکانی پێکدێنێت و ئاستەنگی بۆ هاوڵاتیانی باکور و ڕۆژئاوای کوردستان دەکات و دژایەتی پەکەکەش دەکات.

 

ناڕەزایەتییەکان لەبەرامبەر فشارەکانی پارتی دیموکراتی کوردستان-عێراق لەسەر هاوڵاتیانی هاوڵاتیانی باکور و ڕۆژئاوای کوردستان و دژایەتیکردنی پەکەکە بۆ پێکهێنانی ویستی تورکیا، بەردەوامی هەیە.

 

فەخری ڕونی، خەباتکاری پارتی دیموکراتی گەلان (هەدەپە) لە شاری سلێمانی، بە رۆژنیوزی ڕاگەیاند: دەوڵەتی تورک لە هەر چوار پارچەی کوردستان داگیرکاری دەکات، لە هەرشوێنێک کە تەڤگەری ئازادی پێش دەکەوێت، گەلی کورد بەرخۆدان دەکات و خاوەنداری لە مافی خۆی دەکات، دەوڵەت هێرشی دەکاتە سەر، یەکێک لەو مەیدانانەش باشوری کوردستانە.

 

فەخری ڕونی، وتیشی:"دەوڵەتی تورک لە باکور خەڵک دەستگیرکات و کۆمەڵکوژیان دەکات، لە باشوری کوردستانیش بە دەستی پارتی ویستەکانی پێکدێنێت، کاتێک سەرۆک کۆمار و سەرۆک وەزیرانی تورکیا لەگەڵ بارزانی کۆبوونەوە، دواتر وتیان ئێمە لەگەڵ بارزانی ڕێککەوتین، کە دژی پەکەکە شەڕ بکەین، بۆیە ئەوە شتێکی شاراوە نییە و ئاشکرایە".

 

ئەو خەباتکارەی هەدەپە، تیشکی خستە سەر فشارەکانی پارتی و وتی:" بەداخەوە لە هەولێر و دهۆک فشارێکی زۆر لەسەر کوردانی ڕۆژئاوا و باکور هەیە، ئاستەنگی لەبەردەم خۆپیشاندانەکانیان لەدژی دەوڵەتی داگیرکەری تورک دروستدەکەن، ئاستەنگی لەبەردەم چوون بۆ ڕۆژئاوا دەردەخەن، بە دەیان هاوڵاتیمان لە زیندانەکانی هەولێردان ئەمە کردەوەیەکی ڕوڕەشی و جێگای شەرمەزارییە بۆ پارتی".

 

وتیشی: ئەوەی لە ٢٠١٤ شەنگالی لەدەستی چەتەکانی داعش ڕزگارکرد پەکەکە بوو، ئەوەشی کە هەڵهات لە شەنگال و نەیانپاراست، ئەمرۆ ناڕەزایی لەبەرامبەر هەبوونی ٢٠ هەزار چەکداری تورکیا لە هەرێم نیشان ناات، بەڵام دەڵێت با پەکەکە و کوردی شۆڕشگێر لە شەنگال بڕۆنە دەروە.

 

فەخری ڕونی، هەروەها وتی:"ئەگەر داوای سەربەخۆیی دەکەین پێویستە سەرەتا کوردپەروەربین، داگیرکەر لە وڵات بکەینە دەرەوە، نەک ئەوەی بڵێین ئەو کەسەی نرخی نەتەوەیی دەپارێزێت بچێتە دەرەوە، من ئەو هەڵوێستە شەرمەزاردەکەم".

 

لە کۆتایی قسەکانیدا، ئەو خەباتکارەی هەدەپە وتی:"پێویستە خەڵک و حزبی باشوریش هەوڵێست وەرگرن بێدەنگی حزبەکان جێگای رەخنەیە".

 

 

ش.ف

 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin