Smiley face
Smiley face
Smiley face

ناسنامەی ئێستا و ڕابردووی چەند فەرماندەیەک لەوانەی هێرشی شەنگال-یانکرد ئاشکراکرا

2017-03-13 13:24:15



ڕۆژنیوز - ناوەندی هەواڵەکان

 

ناسنامەی سێ لەو چەکدارانەی پارتی و ئاکەپەدا کە هێرشیان کردەسەر هێزەکانی یەبەشە و یەژەشە، لە شارەدەێی خانەسۆری سەربە شەنگال، دەیسەلمێنێت کە ئەوانە پێشمەرگە نین بەڵکو چەکدار و بەکرێگیراون.

 

لە ڕاپۆرتێکدا ناوی سیان لەو کەسانە ئاشکرادەکرێت، کە بەشداربوون لە هێرشی سەر شەڕڤانانی یەبەشە و یەژەشە لە سنوری شەنگال، کە لە ئەنجامیدا پێنج شەڕڤان و دوو گەریلا شەهیدبوون، و ٢٠ شەڕڤان و سێ ڕۆژنامەنووس برینداربوون.

 

ئیبراهیم محەمەد یوسف، کە ئێستا ناوی خۆی ناوە دلۆڤان ڕووباری، پاش ئەوەی لە پەکەکە هەڵات بەشداری هێزەکانیی دژە گەریلا بوو(کۆنترا گەریلا)، مەسعود محەمەد، سوننە مەزهەبێکی خەڵکی شەنگالە، کە لەگەڵ چەتەکانی داعش ساڵی ٢٠١٤ هێرشی کردەسەر شەنگال، ئەحمەد ساڵحیش خەڵکی دهۆکە و لە کاتی فەرمانەکەی ٢٠١٤دا لەناو هێزەکانی سەربەست باپیردا بو و شەنگالیان بەجێهێست و ڕایانکرد.

 

ئەو چەکدارانە جگە لەوەی شەڕڤانانی ئێزدی خانەسۆریان شەهیدکرد، دوو گەریلای دیکەشیان شەهیدکرد کە دەیانویست ناوبژیوانی بکەن و ڕێگری بکەن لە ڕوودانی شەڕ، ئێستاش پارتی و تورکیا بەردەوامن لە ئامادەکارییەکانیان بۆ هێرشکردنە سەر شەنگال.

 

ئیبراهیم محەمەد یوسف، ئێستاکە ناوی دلۆڤان ڕوباری لە خۆی ناوە، وەکو سەرچەتەیەک ڕۆڵ دەگێرێت، ناوبراو ساڵی ١٩٧٧ لە گوندی ڕوبراتی دێرک لە دایکبووە، لە ساڵی ١٩٩٤دا لەناو تەڤگەری ئازادی کورددا لە دێرک خەباتی کردووە، لە کۆتایی ٩٠ەکاندا چووە بۆ چیا و ماوەی ساڵ و نیوێک گەریلا بووە، بەڵام پاشان لەگەڵ ژنێک هەڵهاتوون و چوون بۆ دێرک، پاشان چوو بۆ قامیشلۆ  بۆ ماڵی خوشکەکەی، لە قامیشلۆ لەگەڵ مەحمود گەرگەری لەناو پارتیدا  جێگایان گرتووە، لە ساڵی ٢٠٠٣دا لە ڕۆژئاوا کاری دژی گەنجانی ڕۆژئاوای کوردستان دەستپێکرد، ئەو کاتە پارتی گەنجانی ڕۆژئاوای دەبرد بۆ زاخۆ و دهۆک و لەوێ دەیکردن بە هێزی دژە گەریلا.

 

(دلۆڤان ڕوباری لەگەڵ بارزانیدا)

 

ساڵی ٢٠١١ کە گۆڕانکارییەکانی سوریا ڕوویاندا، پارتی ئەو گەنجانەی وەکو دژە شۆڕش ڕێکخست و ناوی پێشمەرگەی رۆژئاوای لێنان، پەروەردەکاری ئەو هێزانە تورک بوو، دلۆڤان ڕووباری لە ساڵی ٢٠١٢دا چوو بۆ دهۆک و لە ساڵی ٢٠١٤دا بۆ ئەندامێتی کۆمیتەی ناوەندی پارتی دیموکراتی کوردستان- سوریا، هەڵبژێردرا، ڕوباری ئێستا وەکو فەرماندەی گشتی ئەو دەستە چەکدارانە دەناسرێت و یارمەتی بۆ عەبدولقادر شێخ مەمە دەنێرێت.

 

مەسعود محەمەد، سوننە مەزهەبێکی خەڵکی شەنگالەو لەناو شەنگالییەکاندا بە ناوی موحەنەد دەناسرێت، ئەو کاتەی داعش هێرشیکردە سەر شەنگال لەگەڵ بنەماڵەکەی چووەتە ناو چەتەکانی داعشەوە، لەگەڵ چەتەکانی داعش ژمارەیەکی زۆری لە هاوڵاتییانی ئێزدی کوشتووە، لە کاتی قۆناغی ڕزگارکردنەوەی شەنگالدا، لەگەڵ چەتەکانی داعش لە گوندی ڕامبوسی پاشەکشەیکردو کەوتنە کەمینی گەریلاکانەوە، ناوبراو لەو چالاکییەی گەریلاکاندا بریندار بوو، بە ئامبوڵانس ڕەوانەی باشوری کوردستان کرا، پاش ئەوەی چارەسەری پزشکی بۆ کرا، لەگەڵ چەکدارەکان لەلایەن ئەفسەرە تورکەکانەوە پەروەردەی بینی و هێرشی ڕۆژی ٣ی ئازاردا یەک بوو لەوانەی لە ڕیزەکانی پێشەوەی چەکدارەکاندا هێرشیان کردە سەر خانەسۆر.

 

(مەسعود محەمەد)

 

ئەکیت ئەحمەد ساڵح، ئەندامی پارتی دهۆک بووەو تەمەنی ٦٠ ساڵە، ئەو کاتەی داعش هێرشیکردە سەر شەنگال، ئەو لە شەنگال ئەرکداری پارتی بووە، بەڵام لەگەڵ هێزەکانی سەربەست باپیر هەڵاتن و خەڵکی شەنگالیان بێ بەرگری بەجێهێشت.

 

(ئەکیت ئەحمەد ساڵح)

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnews[email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin