Smiley face
Smiley face
Smiley face

رۆژنیوز ڤیدیۆی شەهیدکردنی ئەو دوو گەریلایە بڵاودەکاتەوە کە بۆ ناوبژیی چووبوون

2017-03-05 11:14:08



ڕۆژنیوز - شەنگال

 

رۆژنیوز دیمەنی ساتی هێرشکردنی چەکدارانی بەناو پێشمەرگەی ڕۆژئاوای سەر بە پارتی بۆ سەر یەکینەکانی یەبەشە و یەژەشە لە خانەسۆری سەر بە شەنگال بڵاو دەکاتەوە، لە ڤیدیۆکەدا دەردەکەوێ کە کێ هێرشی کردوە و چۆن گەریلاکانی هەپەگە هەوڵ دەدەن پێشگریی لەو هێرشە بگرن و نەهێڵن شەڕ دروست ببێت، بەڵام دوای ئەو ڤیدیۆیە ئەو دوو گەریلایە شەهید دەکرێن.

 

چەکدارانی بەناو پێشمەرگەی ڕۆژئاوای سەر بە پارتی، سەرلەبەیانی ڕۆژی هەینی ڕابردوو بە چەکی قورس هێرشیان کردە سەر شارەدێی خانەسۆری سەر بە شەنگال و دەیانەویست ئاڵۆزی دروست بکەن لە ناوچەکەدا، بەڵام دواتر هێزەکانی یەبەشە لەبەرامبەریاندا وەستانەوە.

 

لەو کاتەدا دوو گەریلای هەپەگە بەناوەکانی (چەکدار سینان ناوی ڕاستەقینەی نەورۆز گوڤەرجین) و(ئۆرهان باران کە ناوە ڕاستەقینەکەی ئیبراهیم حەسۆ)بوو، بۆ پێشگرتن لە درووستبوونی شەر هاتبوونە شوێنی ڕووداوەکە، کەوتنە هەوڵدان بۆ ئەوەی بەبێ بەکارهێنانی چەک رێگری بکەن لە پێشڕەوی زرێپۆشەکانی هێرشکەران، ئەو کاتە کە چەکداران بە ئۆتۆمبیلی زرێپۆشەوە پێشڕەوییان دەکرد، گەریلاکانی هەپەگە بێ ئەوەی دەست بۆ چەکەکانیان ببەن چوونە بەردەم ئۆتۆمبیلەکان و لە پێشیاندا وەستان و هەوڵیاندا کە ئۆتۆمبیلەکان بوەستێنن.

 

بەڵام چەکدارانی بەناو پێشمەرگەی ڕۆژئاوا کە تەنانەت بۆنی مرۆڤایەتیشیان نەکردوە، ئەو گەریلایانەیان شەهید کرد کە بەو شێوەیە ویستیان ڕێگری بکەن لە پێشڕەوییەکان و بۆ ناوبژیوانیکردن هاتبوونە ناوچەکە.

 

گەریلاکان بەو هەوڵانەی خۆیان، بۆ هەموو ئەوانەی کە باسی برایەتی دەکەن لە کوردستان و جیهاندا بوونە باشترین وەڵامی مانادار.

 

فەرماندەیی گشتی هەپەگە، لەو بەیاننامەیەی کە دوێنێ بڵاویکردبوەوە،  وتبووی کە دوو گەریلای هەپەگە شەهیدبون لەو کاتە کە دەیانەویست ڕۆلی ناوبژیوانی بگێڕن و پێشگری لە درووستبوونی شەڕ بکەن، شەهید بوون.

 

ئەو دیمەنەی کە گیراوە، بواری هیچ قسەیەک ناهێڵێتەوە مرۆڤەکان ڕووبەڕووی ویژدانیان دەکاتەوە.

 

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin