Smiley face
Smiley face
Smiley face

شاندی ئەوروپی: ئامانجی تورکیا کوردە نەک جەماعەتی گولەن

2017-02-17 13:56:58



ڕۆژنیوز - ناوەندی هەواڵەکان

 

شاندی ئەوروپا کە لە پەرلەمانتار، ئەکادمیسیان، ڕۆژنامەوان و نوسەران پێکهاتوون، بەمەبەستی دیدار لەگەڵ ڕێبەری پارتی کرێکارانی کوردستان عەبدوڵڵا ئۆجالان، ئێستا لە شاری ئامەدن، رایانگەیاند، ئامانجی تورکیا کوردە نەک جەماعەتی گولەن.

 

ئەندامانی شاندەکە بەردەوامن لە دیدارەکانیان لە ئامەد لەگەڵ نوێنەرانی تەڤگەری سیاسی کورد، حزب و ڕێکخراوە مەدەنییەکان.

 

شاندێکی ١٣ کەسی لە کەسایەتی و سیاسەتمەدارانی جیاوازیی ئەوروپیی ماوەی چەند ڕۆژێکە لە ئامەدن، یەک لە ئەندامانی شاندەکە فەدریکۆ ڤەنتورینی، دەربارەیی ئامانجی سەردانەکەیان و ئەو چاودێریانەیی کردویانە قسەی بۆ ئاژانسی فورات کردوە وتویەتی:"ڕێزدار ئۆجالان لە ئیمراڵی لەژێر گۆشەگیرییەکی دژواردایە، لەم قۆناغەدا دەوڵەت نایەوێت دەنگی ئۆجالان بگاتە گەلانی کوردستان و تەڤگەری ئازادی، بۆیە هیچ زانیارییەک لەبارەیەوە نازانرێت، هەبوونی دیدار لەگەڵ ئۆجالان نەک کاریگەری لەسەر چارەسەری پرسی کورد دەبێت، بەڵکو کاریگەری لەسەر ئاشتی ڕۆژهەڵاتی ناوینیش هەیە، کاتێکیش گۆشەگیری سەر ئۆجالان گران دەکەن، شەڕ لە تورکیا بەگوڕتر دەبێت، ئێستا لە تورکیا شەڕی ناوخۆ هەیە".

 

ڤەنتورینی تیشک دەخاتە سەر هەڵوێستی ڕێکخراوی بەرگرتن بە ئەشکەنجەی سەربە کۆنسەی ئەوروپا ناسراو بە سی پی تی و خودی کۆنسەی ئەوروپا و دەڵێت، سی پی تی و وڵاتانی ئەوروپا لەسەر گۆشەگیری ئۆجالان بێدەنگن، سی پی تی ناچارە ئەو لێکۆڵینەوەیەی لەهەر وڵاتێکدا دەیکات بۆ ڕای گشتی ئاشکرای بکات، بەڵام ئەگەر وڵاتەکە ڕاپۆرتەکە ئەرێ نەکات ئەوا ئاشکرای ناکەن، ئەوەش واتای ئەوەیە کە تورکیا ڕاپۆرتەکەی قبوڵ نەکردووە، ئێمە لەگەڵ شاندی سی پی تی کۆبووینەوە، داوامان لێکرد لەبارەی ڕەوشی ئۆجالان زانیاریمان پێبدات، بەڵام هیچ زانیارییەکیان پێنەداین، ئاشکرانەکردنی ڕاپۆرتی سی پی تی لەبارەی ئۆجالانەوە دەستی وڵاتانی ئەوروپاشی لە پشتە، چونکە تورکیا بە رێگا کردنەوە بۆ پەنابەران هەڕەشە لە ئەوروپا دەکات".

 

ناوبراو دەڵێت:"تادێت لە تورکیا شەڕ گەرمتر دەبێت، هەوڵی کودەتا ئەنجامدراوە، تورکیا لە دۆخی نائاساییدایە، ئێمەش بۆ لێکۆڵینەوە لەم دۆخە هاتینە تورکیا، زەخت و زۆرداریەکی زۆر لەسەر گەل هەیە، بەبەهانەی کودەتا و دۆخی نائاسایی، دەیانەوێت کوردان و بەرهەڵستکاران بێدەنگ بکەن، ئامانجی دەوڵەت کوردە نەک جەماعەتی گولەن".

 

لەبارەی ڕیفراندۆمەوە ڤەنتورینی دەڵێت:"تورکیا لە شەڕێکی قوڵی دەسەڵاتداری تاکەکەسی دایە، تەنها لەبەرئەوەی کوردان دژ بە دەسەڵاتداری تاکەکەسین، زیندانیان دەکەن".

 

لەکۆتایی قسەکانیدا فەدریکۆ ڤەنتورینی وتویەتی:"ئێمە داوامان کردووە چاومان بە بەڕێز ئۆجالان و هاوسەرۆکانی هەدەپە بکەوێت، بەڵام هەتا ئێستا وەڵامی ئەرێنییان نەداوینەتەوە، ئەگەر وەڵاممان نەدەنەوە، ئەوا لە گەڕانەوەماندا کەمپینێک دەستپێدەکەین".

 

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin