Smiley face
Smiley face
Smiley face

ژنێك بە هۆی سوتانەوە گیانی لە دەستدا

2017-02-17 13:03:32



ڕۆژنیوز ـ هاوڕێ كرێكار

 

بەوتەی وتەبێژی پۆلیسی هەولێر، ژنێك لە شارۆچكەی عەنكاوەی سەر بە پارێزگای هەولێر دوای سوتانی بە رێژەیەکی زۆر، گیانی لە دەستدا.

 

درەنگانێكی شەوی ڕابردوو، لە شارۆچكەی عەنكاوەی سەر بە پارێزگای هەولێر، ژنێك دوای ئەوەی خۆی بە رێژەیەکی زۆر سووتا، گیانی لەدەست دا.

 

هۆگر عەزیز، وتەبێژی پۆلیسی هەولێر بە ڕۆژنیوزی ڕاگەیاند:"درەنگانێكی شەوی ڕابردوو لە شارۆچكەی عەنكاوە ئاگادار كراینەوە لە هەبوونی حاڵەتێكی سوتانی ژنێك لەنێو گەرماوی ماڵەكەی خۆیاندا، كە دوای سوتانەکە دەستبەجێ گیانی لەدەست داوە".

 

 

هۆگر عەزیز وتیشی:"بە پێی وتەی كەسوكارەكەی، ژنەكە  سەردانی پزیشكی كردووە و پزیشك پێی ڕاگەیاندووە كە توشی نەخۆشی شیرپەنجە بووە، بۆیە ژنەكە دوای گەڕانەوەی ڕۆیشتوەتە گەرماوی ماڵەكەیان و خۆی سوتاندووە، دواتر گیانی لە دەستداوە".

 

هەروەها ناوبراو ئاماژەی بەوەش دا:"پەڕاوی لێكوڵینەوە بۆ كەیسی خۆسوتاندنی ئەم ژنە لە لایەن پۆلیسەوە كراوەتەوە و دەست بە لێكوڵینەوە كراوە".

 

وتەبێژی پۆلیسی هەولێر ئەوەشی وت:"ژنەكە ناوی نازدار یوسفە، تەمەنی 44 ساڵە و دانیشتووی عەنكاوەیە".

 

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin