Smiley face
Smiley face
Smiley face

په‌ژاک سەردانی حزبى دیموکراتى کوردستانی کرد

2017-01-11 16:44:42



ڕۆژنیوز ـ ناوه‌ندى هه‌واڵه‌کان


هه‌ریه‌ک له‌ پارتى ژیانى ئازادى کوردستان (په‌ژاک) و حزبى دیموکراتى کوردستان له‌ کۆیه‌ کۆبوونه‌وه‌.


ئه‌مڕۆ هاوسه‌رۆکی په‌ژاک سیامه‌ند موعینی و شاندێکی یاوه‌ری، سه‌ردانی باره‌گای ناوه‌ندی حزبی دیموکراتی کوردستانیان کرد له‌ کۆیه‌ و له‌لایه‌ن به‌رپرسانی حزبی دیموکراته‌وه‌ به‌ سه‌رپه‌رشتی مسته‌فا مه‌ولوودی جێگری سکرتێری گشتیی ئه‌و حزبه‌، پێشوازیان لێ کرا.


له‌ دیداره‌که‌دا سیامه‌ند موعینی ئاماژه‌ی به‌ بارودۆخی ڕۆژهه‌ڵاتی ناوه‌ڕاست کرد و جه‌ختی له‌سه‌ر یه‌کگرتووی و یه‌کهه‌ڵوێستی لایه‌نه‌کانی چوار پارچه‌ی کوردستان و به‌ تایبه‌ت لایه‌نه‌کانی رۆژهه‌ڵاتی کوردستان کرده‌وه‌، موعینی جه‌ختیشی له‌سه‌ر تێکۆشانی هاوبه‌ش بۆ به‌ستنی کۆنگره‌ی نه‌ته‌وه‌یی کورد کرده‌وه‌ و وتی: ده‌بێت لایه‌نه‌کان له‌م قۆناغه‌دا ئه‌رکی مێژوویی خۆیان به‌جێبهێنن.

 

لای خۆشیه‌وه‌ مسته‌فا مه‌ولوودی پێداگری له‌سه‌ر یه‌کڕیزیی لایه‌نه‌ کوردیه‌کان کرد و باسى گرنگى به‌لاوه‌نانی به‌رژه‌وه‌ندی حزبی کرد له‌پێناو به‌رژه‌وه‌ندى نه‌ته‌وه‌یدا، ئاماژه‌ى بۆ ئه‌وه‌ کرد، که‌ به‌رژه‌وه‌ندى حزبى کێشه‌ی سه‌ره‌کیه‌ له‌به‌رده‌م یه‌کڕیزی لایه‌نه‌ کوردیه‌کان.


ناوبراو جه‌ختیشی کرده‌وه‌، که‌ هیچ که‌س و لایه‌نێک توانای نکوڵیکردنی لایه‌نه‌ چالاکه‌کانی ڕۆژهه‌ڵاتی کوردستان و هه‌روه‌ها په‌ژاک و پێگه‌ی جه‌ماوه‌ریی ئه‌و پارته‌ی نییه‌ و ئه‌و ڕاستیه‌که‌.


له‌و دیداره‌دا هه‌ردوولا جه‌ختیان له‌سه‌ر په‌یوه‌ندی لایه‌نه‌کان و تێکۆشان له‌ به‌رانبه‌ر داگیرکه‌رانی کوردستان کرده‌وه‌.

 


ک.ک
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin