Smiley face
Smiley face
Smiley face

تورکیا و داعش بەنهێنی لە سوریا کۆبوونەتەوە

2017-01-11 13:25:42



ڕۆژنیوز – ناوەندی هەواڵەکان

 

لەکاتێکدا دەوڵەتی تورک خۆی وا نیشان دەدات، کە شەڕی داعش دەکات، بەڵام بەردەوام بوونی کۆبوونەوە نهێنییەکانی لەگەڵ چەتەکانی داعش-دا زیاتر ئاشکرا دەبێت.

 

تورکیا لە ٢٤ مانگی ئابی ٢٠١٦ دا بەبانگەشەی شەڕی دژ بەداعش، هەرێمی شەهبای لە باکوری سوری داگیرکرد، بەو هۆیەوە تا ئێستا سەدان مەدەنی کۆمەڵکوژ کردووە و هەزاران کەسیشیان ناچار کردووە زێدی خۆیان جێبهێڵن.

 

سەرچاوەکانی ڕۆژئاوای کوردستان ئاشکرایان کردووە، کە چەند ڕۆژ بەرلەئێستا ژمارەیەک ئەفسەری دەوڵەتی تورک چوونەتە شاری تەبەق و لەگەڵ چەتەکانی داعش کۆبوونەتەوە، زانراوە کەلە کۆبوونەوەی نێوان هەردوولادا گفتوگۆ لەسەر ئەوە کراوە کە چۆن نەهێڵن هێزەکانی سوریای دیموکراتی (قەسەدە)، شاری تەبەق ئازاد بکات و لەو چوارچێوەیەدا پیلانیان ئامادەکردووە، بۆ ئەو مەبەستەش لەگەڵ خێڵ و عەشیرەتەکانی ئەو دەروبەرە و شارەکەدا کۆبوونەوەیان کردووە.

 

سەرچاوەکان ئاشکرایان کردووە، کە بەپێی ئەو پیلانەی دەوڵەتی تورک و داعش دایانناوە، لەگەڵ هەموو عەشیرەتەکانی و خەڵکی ناوچەکە کۆدەبنەوە تا ڕازییان بکەن دژی شەرڤانان بوەستنەوە و هاوکاریان نەکەن.

 

زانراوە، کە ئەفسەرە تورکەکان، لەسەر ناوی داعش و بەجلوبەرگی ئەوانەوە لەگەڵ عەشیرەتەکان کۆبوونەتەوە، داوایان لێکردوون، تا لێدوان بدەن و بڵێن ئێمە هێزەکانی سوریای دیموکراتی قبوڵ ناکەین و ڕێپێوانێک لە دژیان ئەنجام بدەن، پێیانوتون نابێت قبوڵ بکەن شەڕڤانان و هاوپەیمانی نێودەوڵەتی شارەکە لە دەست داعش دەربهێنن و دەبێت خەڵکی تەبەق داوا بکەن ئیدارەیەک لە موسوڵمانانی سونی مەزهەب شارەکە بەڕێوەببات، ئەگەر لەو بارەیەوە سەربکەون زۆر باشە، دەنا نابێت ڕێگا بدرێت کوردان بگەنە هەرێمەکە و دەبێت دژیان بوەستنەوە.

 

سەرچاوەکان باسیان لەوەشکردووە، کە ئەفسەرەکانی سوپای تورک بە زۆر ڕیش سپی عەشیرەتەکانیان بردوەتە کۆبونەوەکانەوە، عەشیرەتەکانیش بە ڕاگەیاندنەکانیان وتووە، زانیومانە کە ئەو کەسانەی کۆبوونەوەکانیان پێکردوون ئەفسەرانی تورک بوون و خۆیان وەک داعش ناساندووە.

 

ئاژانسی هاوار بڵاویکردووەتەوە، کە شایەتحاڵان لە شاری تەبەقەوە وتویانە ژمارەیەکی زۆر لە چەتەکانی بەناو قەڵغانی فراتی سەر بەتورکیا، چوونەتە شارەکەوە تا لە ئۆپەراسیۆنی شەڕڤانان بیپارێزن، بەڵام خەڵکی شارەکە چاوەڕێ دەکەن شەرڤانانی هێزەکانی سوریایی دیموکراتی تا بگەن و ڕزگاریان بکەن.

 


ش.ف
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin