Smiley face
Smiley face
Smiley face

به ‌بۆیاخکردنى پێڵاو هاوکارى بۆ نه‌خۆشانى شێرپه‌نجه‌ کۆده‌کرێته‌وه‌

2017-01-11 11:57:16



ڕۆژنیوز – هاوکار مسته‌فا

 

به‌مه‌به‌ستى کۆکردنه‌وه‌ى هاوکارى مادى بۆ توشبوانى شێرپه‌نجه‌ له‌ نه‌خۆشخانه‌ى هیوا، بەرپرسانی ئیداری شارۆچکەی سەیدسادق هەڵمەتی بۆیاخکردنی پێڵاویان دەستپێکرد.

 

ئه‌مڕۆ کاتژمێر ١٠:٠٠ له ‌ناوبازاڕى شارۆچکه‌ى سه‌یدسادق به‌رپرسانى ئیدارى شارۆچکه‌که‌ بە دەستپیشخەری قایمقامیەتی شارۆچکەکە، هەڵمەتی بۆیاخکردنى پێڵاوى هاوڵاتیان-یان دەستپێکرد و بڕیاره‌ تا کاتژمێر چوارى سه‌ر له‌ئێواره‌ به‌رده‌وامى هه‌بێت و دواتر ئەو بڕە پارەیەی کۆیدەکەنەوە ڕاده‌ستى نه‌خۆشخانه‌ى هیوای بکەن.

 

دیارى ڕه‌فیق، قایمقامى شارۆچکه‌ى سەیدسادق، که‌ بەشداری هەڵمەتەکەی کردووە، به‌ ڕۆژنیوزى وت: مه‌به‌ستى ئه‌م کاره‌ى ئه‌مڕۆمان بۆ دروستکردنى گیانى هاوکارى و هه‌ماهه‌نگییه‌ بۆ به‌ده‌مه‌وه‌چوونى نه‌خۆشانى شێرپه‌نجه‌، که‌ ئه‌مه‌ش به‌ دیارده‌یه‌کى شارستانى ده‌زانین و له‌ زۆربه‌ى وڵاتاندا به‌ جۆرێک هاوکارى بۆ نه‌خۆشان کۆده‌کرێته‌وه‌ و ئێمه‌ش به‌ بۆیاخکردنى پێڵاوى هاوڵاتیان ئه‌وکاره‌ ده‌که‌ین.

 

ئاماژه‌ى به‌وه‌شکرد، کە ئه‌مڕۆ زۆربه‌ى به‌رپرسانى ئیدارى شارۆچکه‌که به‌شدارى ئەم هه‌ڵمه‌ته‌یان کردووه‌ و وتیشی:" ئەو بڕە پاره‌ لەبەرامبەر بۆیاخکردنەکەدا، وه‌ریده‌گرین و ده‌یخه‌ینه‌ ناو سندوقێکى تایبه‌ته‌وه‌ که‌ به ‌به‌رچاوى هاوڵاتیانه‌وه‌یه‌وه‌ و پاشانیش بڕەکە ئاشکراده‌که‌ین و ڕاده‌ستى نه‌خۆشخانه‌ى هیواى ده‌که‌ین".

 

 


ش.ف
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin