Smiley face
Smiley face
Smiley face

لە گوندێکی بناری قەندیل یادی شەهیدانی پاریس کرایەوە

2017-01-10 09:24:14



ڕۆژنیوز - عەلی قادر

 

لەگوندی قرژاڵەبڕێی بناری قەندیل، بە ئامادەبوونی سەرجەم چین و توێژەکانی گوندەکە بە چالاکیەک ساڵیادی تیرۆرکردنی ساکینە جانسز هەڤاڵانی بەرز ڕاگیرا.

 

لە ساڵیادی تیرۆرکردنی ساکینە جانسز، فیدان دۆغان و لەیلا شایلەمەز، کە لە ٩ی کانونی دووەمی ٢٠١٣ لە شاری پاریسی پایتەختی فەرەنسا تیرۆر کران، شەوی ڕابردوو، لە گوندی قرژاڵەبڕێی بناری قەندیل، یادیان کرایەوە.

 

سەرەتای چالاکیەکە بەچەند ساتێک وەستان بۆ گیانی شەهیدان دەستیپێکرد و دواتر بەشێک لەژیاننامەی ساکینە جانسز لەڕێگای کورتە ڤیدیۆیەکەوە پێشکەش بەئامادەبوان کراو تیایدا باس لە خەبات و تێکۆشانی جانسز کرا.

 

پاشان بەمەبەستی زیاتر ئاشناکردنی ژنە تێکۆشەری کورد ساکینە جانسز، مەهاباد ڕۆژدا، بەرپرسی ڕێکخستنی تەڤگەری ئازادی لە ناوچەکە بۆ ئامادەبوان دوا و وتی:" پێویستە کە ژنان خۆیان بە بچوک نەبینن و هەوڵ و تێکۆشانەکانی ساکینە جانسز و هەڤاڵەکانی بۆ خۆیان بە بنەما بگرن و لەبەرامبەر دوژمنان و داگیرکەراندا بە ڕوحیەتی هەڤاڵ ساکینە و هەڤاڵانی ڕووبەڕووی دوژمنان بوەستنەوە".

 

مهاباد ڕۆژدا، وتیشی:" دوژمنانی گەلەکەمان ویستیان لەکەسایەتی ساکینەدا گەلی کورد لەناوببەن، بەڵام نەک هەر نەیتوانی، بەڵکو بە پێچەوانەوە بە هەزاران ساکینەی تر دروست بوون و خاوەنداریان لە گەلی کورد کرد، بۆ بکوژان و هاوکارەکانیان سەلماند کە ئیتر ناتوانن ژنان و تێکۆشەرانی گەلەکەمان بەتیرۆر و ڕەشەکوژی لەناو ببەن".

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin