Smiley face
Smiley face
Smiley face

کەجەکە وەڵامی سەفین دزەیی دەداتەوە

2017-01-09 13:07:54



ڕۆژنیوز - ناوەندی هەواڵەکان

 

کۆمیتەی دیبلۆماسی کەجەکە قسەکەی سەفین دزەیی بەدرۆدەخاتەوە، کە وتبوی، "گەریلا لە شەنگال دەردەچێت"، تەئکیدیش دەکاتەوە، کە دەبێت شەنگال لە لایەن شەنگالییەکانەوە بەڕێوەببرێت و هێزی پاراستنی خۆیانیان هەبێت.

 

ئەمڕۆ، کۆمیتەی دبلۆماسی کەجەکە، ڕاگەیەندراوێکی بڵاوکردەوە و تێیدا قسەکانی سەفین دزەیی، وتەبێژی حکومەتی هەرێمی کوردستانی بەدرۆ خستوەتەوە لەبارەی چوونەدەرەوەی گەریلا لە شەنگال، هاوکات پلانی خۆشیانی لەبارەی دەرچوونی گەریلا لە شەنگال ئاشکراکرد.

 

لە ڕاگەیاندراوی کۆمیتەی دیبلۆماسی کەجەکەدا هاتووە:"ئێمە نازانین بەڕێز سەفین دزەیی بە پشتبەستن بە چی ئەو قسەیەی کردووە، چونکە نە پەکەکە و نە فەرماندەیی گەریلا هیچ لێدوانێکیان لەبارەی کشانەوەی گەریلا لە شەنگال نەداوە".

 

هەروەها هاتووە:" دەبێت شەنگال لە لایەن شەنگالییەکانەوە بەڕێوە ببرێت و هێزی خۆپاراستنیان هەبێت".

 

لە بەشێکی دیکەی ڕاگەیەنداروەکەدا هاتووە:"وەک دەزانرێت، کە چوونی گەریلا بۆ شەنگال بۆ پاراستنی ئێزدییەکان بووە، ئێستاش ناهێڵێت شەنگالییەکان قڕ بکرێن، گەریلا هەم کۆمەڵگەی ئێزدی لە دژی داعش پاراستوە، هەم پێشگری دەکات لەوەی جارێکی دیکە هێرشی لەمشێوەیە ڕوونەدەن، هەربۆیە هاوکاری ئێزدییەکان دەکات بۆ ئەوەی دامەزراوەی خۆبەڕێوەبردن و هێزی خۆپاراستن دروستبکەن، گەریلا هیچ ئامانجێکی نییە بۆ دەسەڵاتدارییەتی لە شەنگال، تەنیا بۆ بەجێهێنانی ئەرکی مێژوویی و ویژدانی خۆی لەوێیە، هەر کاتێک ئێزدی بوونە خاوەن هێزی خۆپاراستن و دامەزراوەی خۆبەڕێوەبەری سەربەخۆ، ئەو کاتە ئامانجی گەریلا لە شەنگال هاتوەتە دی، هەربۆیە بەبێ پێکهاتنی ئەو شتە، دەرچوونی گەریلا لە شەنگال هیچ واتایەک نابەخشێ".

 

لێدوانەکەی کۆمیتەی دیبلۆماسی کەجەکە لەبارەی بایەخی خۆپاراستنی ئێزدییەکان ئاماژەی  بەوەشکردووە:"ئێزدییەکان هەرچەند هێزی پاراستنی خۆیان دروست بکەن، هێزی گەریلاش لەوێ هێندە کەم دەبێتەوە، دوای ئەوەی کە دەستە و نوێنەری سیاسی جیاواز لە شەنگال کۆبوونەوە، هێزێکی هاوبەشی خۆپاراستنیان پێکهێنا، دەستیان بە بەڕێوەبردنی خۆیان کرد، ئێمە لەو باوەڕەداین ئەوکاتە کێشەی هەبوونی گەریلا و پێشمەرگەش لەوێ چارەسەر دەبێت". 

 

هەروەها هاتووە:"بۆ ئەوەی جارێکی دیکە فەرمان دروست نەبێتەوە دژی ئێزدییان، پێویستە ئێزدی ببنە خاوەن هێزی خۆپاراستنی خۆیان و دامەزراوەی خۆبەڕێوەبەری خۆیانیان هەبێت، بەو شێوەیە شەنگال لە لایەن شەنگالییەکانەوە بەڕێوەببرێت و بپارێزرێت، بەبڕوای ئێمە، ئەو کاتەی ئەوانە جێەجێ بوون، خۆی لەخۆیدا مانای گفتوگۆ لەبارەی مانەوەی گەریلا لە شەنگال نامێنێت".

 

 

د.خ
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin